11th Tamil Unit 2 Book Back Answer

Tamil Nadu Stard Board Syllabus 11th Standard Tamil Unit 2 Book Back Question and Answer New Syllabus. 11th Standard Tamil New Syllabus 2025 – 2026 book back question and answer guide download pdf. 11th Tamil Important Questions. Class 11 Tamil New Text Books.  

11th Tamil இயல் 2 மாமழை போற்றுதும் – இயற்ககை, வேளாண்மமை, சுற்றுச்ழல் இயற்ககை வேளாண்மமை, ஐங்குறுநூறு, மனோன்மணீயம், யானை டாக்டர், புணர்ச்சி விதிகள், திருக்குறள்*

பலவுள் தெரிக

1. பொருத்தமான இலக்கிய வடிவம் எது?

அ) ஏதிலிக் குருவிகள் – மரபுக் கவிதை

ஆ) திருமலை முருகன் பள்ளு – சிறுகதை

இ) யானை டாக்டர் – குறும் புதினம்

ஈ) ஐங்குறுநூறு – புதுக்கவிதை

விடை: இ) யானை டாக்டர் – குறும் புதினம்

2. மண்ணுக்கு வளம் சேர்ப்பன –

அ) மண்புழு

ஆ) ஊடுபயிர்

இ) இயற்கை உரங்கள்

ஈ) இவை மூன்றும்

விடை: ஈ) இவை மூன்றும்

3. ‘போது’ என்ற சொல் உணர்த்தும் பொருள்

அ) போதும்

ஆ) காடு

இ) மொட்டு

ஈ) மேகம்

விடை: இ) மொட்டு

4. கருப்பட்டி, பனங்கற்கண்டு போன்றவை

அ) மதிப்புக் கூட்டுப் பொருள்கள்

ஆ) நேரடிப்பொருள்கள்

i) அ – மட்டும் சரி

ii) ஆ – மட்டும் சரி

iii) இரண்டும் சரி

iv) அ – தவறு, ஆ – சரி

விடை : i) அ – மட்டும் சரி

5. பிழையான தொடரைக் கண்டறிக.

அ) பதநீரிலிருந்து பனங்கற்கண்டு, கருப்பட்டி போன்றவற்றைத் தயாரிக்கின்றனர்.

ஆ) காயா, கொன்றறை, பிடவம் ஆகிய மலர்கள் முல்லலை நிலத்தில் பூக்கக்கூடியன.

இ) குறைந்த எட்டுத்தொகை அடிகளை ஐங்குறுநூறு நூல்களுள் உடையது

ஈ) யானைகளால் வெகு தொலைவில் உள்ள நீரினை வாசனை மூலம் அறியமுடியும்.

விடை : இ) குறைந்த எட்டுத்தொகை அடிகளை ஐங்குறுநூறு நூல்களுள் உடையது.

 

குறுவினா

1. தமிழ்நாட்டின் மாநிலமரம் – சிறுகுறிப்பு வரைக.

• தமிழ்நாட்டின் மாநிலமரம் பனைமரம்.
• ஏழைகளின் கற்பக விருட்சம் பனைமரம்.
• சிறந்த காற்றுத்தடுப்பான்,
• நிலத்தின் ஆழத்தில் நீர்மட்டம் குறையாமல் நீரைச் சேமித்து வைக்கின்ற தன்மையுடையது.
• பனை வளர பெரிய அளவத் தண்ணீர் தேவையில்லை.
• ஏழே ஆண்டுகளில் காய்க்கத் தொடங்கி விடும்.
• பனையிலிருந்து நுங்கு, பதநீர், கருப்பட்டி, பனங்கற்கண்டு முதலியவை கிடைக்கின்றன.

2. “உழுவோர்க் கெல்லாம் விழுமிய வேந்து நீ ” தொடரின் பொருள் யாது ?

“உழைப்பில் சிறந்த உழைப்பு உழவுத்தொழில் செய்வதாகும். அத்தகைய சிறந்த உழவுத் தொழிலைச் செய்யும் உழவர்களுக்கு எல்லாம் நீயே விரும்பிப் போற்றத்தக்க அரசனாவாய்” என்பது பொருள். உன்னை ‘உழவனின் நண்பன்’ என்றுதானே சொல்வார்கள்.

3. ஐங்குறுநூறு – குறிப்பு வரைக.

• ஐந்து + குறுமை + நூறு – ஐங்குறுநூறு. மூன்றடிச் சிற்றெல்லையும் ஆறடிப் பேரெல்லையும் கொண்ட அகவற்பாக்களால் ஆன நூல்.
• திணை ஒன்றிற்கு நூறு பாடல்களாக, ஐந்து திணைகளுக்கும் ஐந்நூறு பாடல்களைக் கொண்டது.

4. அலர்ந்து – பகுபத உறுப்பிலக்கணம் தருக,

அலர்ந்து – அலர் + த் (ந்) + த் + உ

• அலர் – பகுதி,
• த் – சந்தி,
• த் – ந் ஆனது விகாரம்,
• த் – இறந்தகால இடைநிலை,
• உ –  வினையெச்ச விகுதி.

சிறுவினா

1. வேதிக்கலப்பில்லாத பூச்சிக்கொல்லி நடைமுறைக்குச் சாத்தியமா? – நும் கருத்தை எழுதுக.

• வேதிக் கலப்பில்லாத பூச்சிக்கொல்லியைப் பயன்படுத்துவது நடைமுறைக்குச் சாத்தியம்.
• முன்னோர்கள் எந்தவிதமான இரசாயனப் பூச்சிக் கொல்லியையும் பயன்படுத்தவில்லை.
• வேப்பங்கொட்டை, நொச்சி இலை, புங்கன், பிரண்டை, கற்றாழை எல்லாவற்றையும் இடித்து, கோமியத்தில்ஊறவைத்துப் பயிரில் தெளித்தார்கள்.
• பூச்சியும் படிப்படியாகக் குறைந்தது.
• இவ்வேதிக்கலப்பில்லாத பூச்சிக் கொல்லியால் நுண்ணுயிர்ப் பெருக்கமும், மண்வளமும் ஏற்பட்டன.
• இரசாயனப் பூச்சிக்கொல்லி பயிர்களுக்குள் ஊடுருவி, சாப்பிடுகிற மக்களுக்கும் நிறைய நோய் உண்டாக்கும்.

2. குறித்த காலத்திற்கு முன்பாக ஊர் திரும்பிய தலைவன் கூறுவனவற்றை ஐங்குறுநூறு கொண்டு விளக்குக.

• இல்லறம் சிறக்கப் பொருள்தேடச் சென்ற தலைவன், கார்காலத்தில் திரும்புவதாகக் கூறிச் சென்றான். ஆனால், தன் முயற்சி விரைவில் நிறைவேறியதனால், தான் முன்னரே திரும்பி வந்துள்ளதைத் தலைவிக்கு உணர்த்த நினைக்கிறான்.
• ஆகவே, “பெரிய அழகிய கண்களையுடையவளே! இம்மாலை நேரத்தில் காயா, கொன்றை, நெய்தல், முல்லை, பிடவம் முதலிய மலர்கள் மலர்ந்துள்ளன.
• அவற்றை எல்லாம் கண்டு மகிழ்ந்து ஆடுவோம். விரைவாக வா” என்று கூறி அழைத்துத் தன் வரவை ‘ஐங்குறுநூற்றுத் தலைவன்’ உணர்த்தினான்.

3. “இவ்வயின் யாமெலாம் செவ்விதில் துன்னில் தழைப்பதற்கு இடமில்லை” பொருள் விளக்குக. இடஞ்சுட்டிப் பொருள் விளக்குக.

• இடம்:மனோன்மணீயத்தில் நடராசன் தனிமொழியில் புல்லின் சிறப்பைப் பாராட்டி உரைக்குமிடத்தில் கூறியது.
• பொருள்:”இவ்விடத்திலே நாம் எல்லாரும் சேர்ந்திருந்தால், நம் வாழ்வுக்குச் சிறப்பான இடமாக அமையாது” என்பது பொருள்.
• விளக்கம்:புல்லின் சிறப்புகளைப் பாராட்டிக் கூறும்போது நடராசன், புல் தன் இனத்தைக் காக்க எவ்வாறு செயல்படுகிறது என்பதனை விளக்கும்போது, தன் இனத்தைப் பரப்ப, தன் விதைகளுக்குச் சிறு துரட்டி கொடுத்து மாடு, ஆடுகளின் உடல்மேல் ஒட்டி வேறு இடத்தில் சென்று வாழச் சொல்லும்போது “நாம் எல்லாரும் இங்கே ஓரிடத்திலேயே வாழ நினைத்தால் அது பிழையாகிவிடும். எனவே, தனித்தனியே தழைத்து வளரச் செல்லுங்கள்” எனக் கூறுவதாகக் கூறுகிறான்.

4. ஐங்குறுநூற்றுப் பாடல் சுட்டும் திணை, முதற்பொருள், கருப்பொருள்களை அட்டவணைப்படுத்துக.

• தினை : முல்லைத் திணை
• முதற்பொருள் : நிலமும் பொழுதும்
• நிலம் – காடும் காடு சார்ந்த இடமும்
• பெரும்பொழுது – கார்காலம்
• சிறுபொழுது – மாலை

கருப்பொருள்:

• தெய்வம் – திருமால் (மாயோன்)
• மக்கள – ஆயர் – ஆய்ச்சியர், இடையர் – இடைச்சியர்
• தொழில் – வரகு, சாமை விதைத்தல், ஆநிரை மேய்த்தல், ஏறுதழுவல், களை பறிப்பு.
• உணவு – வரகு, சாமை, முதிரை.
• விலங்கு – மான், முயல்
• பூ – முல்லை, தோன்றி
• ஊர் – பாடி, சேரி
• பறை – ஏறுகோட் பறை
• யாழ் – முல்லை யாழ்

சான்று: ‘காயா கொன்றை நெய்தல் முல்லை….’ பேயனார் பாடிய பாடல்.

நெடுவினா

1. ‘சுற்றுச்சூழலை வளப்படுத்துவது இயற்கை வேளாண்மையே’ என்னும் தலைப்பில் மேடைப் பேச்சிற்கான உரையை உருவாக்குக.

சுற்றுச்சூழலை வளப்படுத்துவது இயற்கை வேளாண்மையே என்னும் தலைப்பில் என் கருத்தினைப் பதிவு செய்ய வந்துள்ளேன்.

நிலவளப் பராமரிப்பு:

நிலத்தின் வளத்தை அக்கறையுடன் பராமரித்தால் பதிலுக்கு நிலமும் மனிதத் தேவைகளை நல்ல முறையில் நிறைவு செய்யும். விவசாயத்தின் வசந்தகாலமாக இயற்கை வேளாண்மை எல்லாக் காலத்திலும் திகழும்.

இயற்கை வேளாண்மை:

இரசாயன உரம், இரசாயன பூச்சுக்கொல்லி – இவற்றைப் பயன்படுத்தாமல் விதை விதைப்பது, தொழு உரம் இடுவது ஊடு பயிர் போடுவது, ஓட்டுமொத்தமாக விதைப்பதில் தொடங்கி விளைச்சல் முடிகின்ற வரைக்கும் வேதிக்கலப்பே இல்லாமல் பயிர் செய்வது இயற்கை வேளாண்மை.

இயற்கைப் பூச்சிக்கொல்லி:

வேப்பங்கொட்டை, நொச்சி இலை, புங்கன், பிரண்டை கற்றாழை – இவை எல்லாவற்றையும் இடித்துக் கோமியத்தில் ஊறவைத்துத் தெளிப்பதுவே இயற்கைப் பூச்சிக்கொல்லி ஆகும். தொழு உரம்:

மாட்டுச் சாணம், கோமியம் ஆகிவற்றைக் கலந்து வைக்கோலை மட்கச் செய்து இடுவது நன்செய்க்கு உரியது. காய்ந்த இலைச்சருகு. சாம்பல் ஆகிவற்றை கலந்து போடுவது புன்செய்க்குரியது.

இயற்கை வேளாண்மையின் பயன்கள்:

• இயற்கைப் பூச்சிக்கொல்லி, தொழு உரம் இவற்றைப் பயன்படுத்துவதால்.
• மண்ணில் நுண்ணுயிர்ப் பெருக்கம் ஏற்படும்.
• மண் தன் வளத்தை இழக்காது.
• மண்புழ போன்ற சின்ன உயிர்கள் அழிவது தடுக்கப்படும்.
• விளைச்சல் குறையாது.
• நாம் பயன்படுத்துகின்ற உரம். மருந்து எல்லாமே இயற்கையாக நம்மிடம் இருப்பதால் சுற்றுச்சூழல் பாதுகாக்கப்படும் என்பது உண்மை என்று கூறி முடிக்கிறேன். நன்றி!

2. புல் நாங்கூழ்ப் புழுவை நோக்கி நடராசன் உரைப்பனவற்றைத் தொகுத்து எழுதுக.

ஊர்ப்புறத்தே அதிகாலையில் பணியைத் தொடங்கிய நடராசன், உலகில் அனைத்து உயிரினங்களும் ஏதேனும் ஒரு குறிக்கோளுடன் செயல்படுவதாக எண்ணினான். அதனைப் பாராட்ட விரும்பினான்.

எனவே, அருகே வாய்க்காலில் முளைத்திருந்த புல்லைக் கண்டு மகிழ்ந்தான். இந்தச் சிறுபுல்கூட எப்பொழுதும் தன் குறிக்கோளோடு செயலாற்றுகிறது. தன் சிறு பூங்கொத்தை உயர்த்தி, தன்னிடமுள்ள தேனைச் சுவைக்க ஈக்களை அழைக்கிறது. அவை சென்றபின் தன் மலரைச் சிறு காயாக மாற்றி, ஆடையிலோ உடலிலோ சிக்கிக் கொள்ளச் சிறு துரட்டியும் கொடுத்து, “இங்கே நாம் எல்லோரும் ஒன்று சேர்ந்து வாழ இயலாது. எனவே, ஆடு மாடுகளின்மேல் தொத்திச் சென்று வேறு இடத்தில் தழைத்து வாழச் செல்லுங்கள்” என அறிவுறுத்தி அனுப்புகிறது. இப்புல்லின் அன்பு, பொறுமை, அறிவு ஆகியவற்றைச் சிந்திக்கும்போது வியப்பாக உள்ளது. இச்சிறு புல்லின் வடிவம், செயல், குறிப்பறிந்து செயலாற்றும் முயற்சி ஆகியவற்றைக் காணும்போது நம் கண்களில் நீர் துளிர்க்கிறது எனக் கூறி மகிழ்ந்தான்.

புல்லினைக் கண்டு வியந்து திரும்பிய நடராசன், அருகில் வாய்க்காலில் ஊர்ந்த மண் புழுவைக் கண்டான். அதன் உழைப்பைக் கண்டு வியந்தான். உழைப்போர் உழைப்பில் மண்புழுவின் உழைப்புக்கு எதுவும் ஈடாகாது எனப் பாராட்டினான். “ஏ, மண்புழுவே, நீ உழவர்களுக்கு எல்லாம் விரும்பத்தக்க அரசனாவாய். எந்த மண்ணையும் நல்ல மண்ணாக்கி விடுவாய். அதற்காகவே உன் பிறவியை எடுத்துள்ளாய். உன் உழைப்பு இல்லையானால், எப்பயிரும் விளையாது. நீ செய்யும் செயலை எவரும் பாராட்டுவதை விரும்பாததனால், மண்ணை மெழுகினும் மெல்லிதாக்கி, உருட்டி உன் வழியின் வாயை அடைத்து மூடிவிடுகிறாய். இவற்றை எல்லாம் எண்ணிப் பார்க்காமல் உனக்குத் துன்பம் செய்யும் உயிரினங்கள் கோடிக்கணக்கில் உள்ளன. எனினும், உன்னிடம் இருக்கும் ஒழுக்கமும் பொறுமையும் வேறு எவரிடம் உள்ளது? உன்னை நான் அதிகமாகப் பாராட்டுவதாக எண்ணாதே! உன் இணையிலா அன்பையும் குறைபாடு இல்லாத பெருமையையும் தெளிவாக அறிந்தவர் எவர் உளார்?” என்று பாராட்டி உரைத்தான்.

3. யானை டாக்டர் கதை வாயிலாக இயற்கை, உயிரினப் பாதுகாப்பு ஆகியவை குறித்து நீவிர் அறிந்தவற்றைத் தொகுத்து எழுதுக,

முன்னுரை:

ஜெயமோகன் நாகர்கோவிலைச் சேர்ந்தவர். இவர் இயற்கை ஆர்வலர், யானையைப் பாத்திரமாகப் படைத்து ஊமைச் செந்நாய், மத்தகம் போன்ற கதைகளை எழுதியுள்ளார். இதில் சுதாபாத்திரமாக வந்துள்ள டாக்டர், வி. கிருஷ்ணமூர்த்தி ஒரு காட்டு விலங்கியல் வல்லுநர், கதையின் நோக்கம்:

யானை வாழும் காடுகளில் மனிதர்களால் கொடுக்கப்படும் உயிர்ப் பாதுகாப்பும், மனிதர்களால் ஒருபோதும் இழைக்கப்படக் கூடாத செயல்பாடுகளும் இக்கட்டுரையில் பகிரப்பட்டுள்ளன.

முதுமலையில் யானைக்குக் கால் வீக்கம்:

கதையைக் கூறும் கதாபாத்திரமாக வனத்துறை அதிகாரி டாக்டர். வி.கிருஷ்ணமூர்த்தியுடன் புண்பட்ட யானை இருக்கும் முதுமலைக் காட்டிற்குச் செல்கின்றனர். வழிகாட்ட மலைவாழ் குறும்பர்களுடன் இருவரும் காட்டினுள் சென்றனர். கொஞ்ச நேரத்தில் யானைகளின் நெடி (நாற்றம்) வந்தது. புல்வெளியில் பன்னிரெண்டும், மூங்கில் புதரில் ஆறும், குட்டிகள் நான்கும் என யானைக் கூட்டமே கண்ணில் பட்டது.

டாக்டர் கேயும் புண்பட்ட யானையும்:

தன்னுடன் வந்தவர்களை நிற்க வைத்துவிட்டு டாக்டர் யானைக் கூட்டத்தை நெருங்கினார். புண்பட்டயானை மரத்தடியில் நின்றது. டாக்டர் யானைக் கூட்டத்தை நெருங்கியதும் பிடியானை ஒன்று எதிர்த்தது. சில மணிகளுக்குப் பிறகு பின் வாங்கியது. டாக்டர் தன் வேலையை ஆரம்பித்தார். மயக்க மருந்து கலந்த ஊசியைத் துப்பாக்கியில் வைத்து சுட்டார். யானை சற்றே சாய்ந்தது.

யானைக்குச் சிகிச்சை:

யானையின் காலில் மனித மிருகங்கள் குடித்துவிட்டு தூக்கி எறிந்த கண்ணாடிக் குப்பி நன்றாகப் பதிந்திருந்தது. சீழ்க்கட்டிப் பெரிதாக இருந்தது. சீழ்கட்டி வெட்டியெடுக்கப்பட்டு சிகிச்சை அளிக்கப்பட்டது. இன்னும் பத்துப் பதினைந்து நாட்களில் குணமாகி விடும். சிகிச்சை முடித்து டாக்டர் திரும்பினார். இப்போது புண்பட்ட யானையைச் சுற்றி யானைகள் கூட்டம் பிளறியது. இதற்கிடையில் மஞ்சணத்தி மரத்திடியில் ஒரு குட்டியானை வந்தவர்களை நோட்டம் விட்டது.

விடியற்காலையில் யானைக் குட்டி:

ஒருநாள் விடியற்காலையில் டாக்டரின் வீட்டுக்குச் சற்று தூரத்தில் ஒரு யானைக் குட்டி இரண்டு வயதிருக்கும் தள்ளாடியது. டாக்டர் யானைக்குட்டியை நெருங்கி வாயில் மயக்கமருந்து ஊசி போட்டார். முன்போலவே யானைக்குட்டியின் கால்களில் மதுக்குப்பியின் கண்ணாடித் துண்டு, வெளியே எடுக்கப்பட்டு சிகிச்சையளிக்கப்பட்டது. ஓரிரு மணிகளில் யானைக்குட்டி எழுந்து விடும். மோப்பம் பிடித்துக்கொண்டு முந்நூறு மைல்தூரம் கூட வரும் சக்தி கொண்டவை யானைகள். சிகிச்சை முடித்து வீட்டின் படிகளிலை நின்று பார்த்தார் டாக்டர். யானைக்குட்டிக்கு அருகில் பத்துப் பண்ணிரண்டு யானைகள் பிளிறிப் பேரொலி எழுப்பின. யானைகளின்முகத்தில் வானவர் புன்னகைக் காணப்பட்டது.

முடிவுரை:

இயற்கையோடு இயற்கையாய் வாழும் யானைகள் இருக்குமிடத்திற்கு மனிதர்கள் சென்றால், ஆபத்து நிறைந்த கண்ணாடி மதுக்குப்பிகளை எறிவதைக் கட்டாயம் நிறுத்த வேண்டும். யானைகளுக்கு இவை ஆபத்தானவை என்று தெரியாது. அவைகளின் உயிர்ப் பாதுகாப்புக்கு மனிதர்கள்தான் உத்திரவாதம் தர வேணடும்.

கீழ்மையான செயல்களைத் தவிர்ப்போம்! விலங்குகளுக்கு உயிர்ப்பாதுகாப்பு அளிப்போம்!!

மொழியை ஆள்வோம்

சான்றோர் சித்திரம்

 

தமிழிசை இயக்கத்தின் தந்தை என்று போற்றப்படும் ஆபிரகாம் பண்டிதர் தென்காசிக்கு அருகேயுள்ள சாம்பவர் வடகரை என்னும் சிற்றூரில் பிறந்தவர். இளமையிலேயே புகைப்படக்கலை, அச்சுக்கலை, சோதிடம், மருத்துவம், இசை ஆகிய துறைகளில் பெருவிருப்பம்கொண்டு, நேரம் கிடைக்கும்போதெல்லாம் அதன் நுட்பங்களைப் பயின்றார். திண்டுக்கல்லில் ஆப்ரகாம் பண்டிதர் ஆசிரியராகப் பணியாற்றும்போதே சித்த மருத்துவத்தில் சீரிய அறிவு, பெற்று மக்களால் அன்புடன் ‘பண்டுவர்’ (மருத்துவர்) என்று அழைக்கப்பட்டார். சில ஆண்டுகள் பணியாற்றியபின் அதைவிடுத்து முழுமையாகச் சித்தமருத்துவத்தில் கவனம் செலுத்தினார். தஞ்சையில் குடியேறினார். மக்கள் அவரைப் ‘பண்டிதர்’ என அழைக்கத் தொடங்கினர். பண்டைத் தமிழ் நூல்களையெல்லாம் ஆழ்ந்து கற்று, ‘சங்கீத வித்தியா மாகஜன சங்கம்’ என்னும் அமைப்பை உருவாக்கி, தமது சொந்தச் செலவிலேயே தமிழிசை மாநாடுகள் நடத்தினார். அனைத்திந்திய அளவில் நடந்த இசை மாநாடுகளுக்கும் சென்று உரையாற்றினார். அவருடைய இசைத்தமிழ்த் தொண்டின் சிகரம் ‘கருணாமிர்த சாகரம்’, எழுபத்தோராண்டுகள் வாழ்ந்து தமிழக்குத் தொண்டு செய்தவர் ஆபிரகாம் பண்டிதர்.

வினாக்களுக்கு விடையளிக்க:

1. உடனிலை மெய்ம்மயக்கச் சொற்களை எடுத்து எழுதுக.

இயக்கத்தின், போற்றப்படும், என்னும், சிற்றூரில், படக்கலை, கற்று, வித்தியா, அமைப்பை, உருவாக்கி, அச்சுக்கலை, மருத்துவம், விருப்பம், கிடைக்கும், போதெல்லாம், நடத்தினார், மாநாடுகளுக்கும், உரையாற்றினார், மக்களால், சித்த, செலுத்தினார், அழைக்க, இசைத்தமிழ்,
தமிழுக்கு.

2. வேற்றுநிலை மெய்மயக்கச் சொற்களை எடுத்து எழுதுக.

தந்தை, என்று, பண்டிதர், தென்காசி, சாம்பவர், பிறந்தவர், தொண்டு, நுட்பங்களை, பயின்றார், அன்புடன், பண்டுவர், ஆண்டுகள், தஞ்சை, தொடங்கினார், பண்டை, நூல்களை, ஆழ்ந்து, சொந்த, சென்று, தொண்டின், கருணாமிர்த, தொண்டு, செய்தவர்.

3. உடனிலை மெய்ம்மயக்கமாகவும், வேற்றுநிலை மெய்ம்மயக்கமாகவும் உள்ள சொற்களை எழுதி, மெய்களை அடிக்கோடிடுக.

திண்டுக்கல்லில், அனைத்திந்திய

4. கீழ்க்காணும் வடமொழிச் சொற்களைத் தமிழாக்குக.

அ) சங்கீதம் – இசை
ஆ) வித்தியா – கலையறிவு
இ) மகாஜனம் – பெருமக்கள்
ஈ) சாகரம் – கடல்

5. இலக்கணக் குறிப்பும் பகுபத உறுப்பிலக்கணமும் தருக.

அ) பயின்றார் ஆ) தொடங்கினர்

விடைகள்:

அ) பயின்றார்

பயில் (ன்) + ற் + ஆர்
பயில் – பகுதி, ‘ல்’, ‘ன்’ ஆனது விகாரம்,
ற் – இறந்தகால இடைநிலை,
ஆர் – பலர்பால் வினைமுற்று விகுதி.

ஆ) தொடங்கினர்

தொடங்கு + இன் + அர்
தொடங்கு – பகுதி,
இன் – இறந்தகால இடைநிலை,
அர் – பலர்பால் வினைமுற்று விகுதி.

தமிழாக்கம் தருக.

1. Just living is not enough. One must have sunshine, freedom and a little flower – Hans Anderson.

சாதாரண வாழ்க்கை வாழ்ந்தால் மட்டும் போதாது சூரியனைப் போல பிரகாசமாகவுயும் சுதந்திரமாகவும் பூவின் மணம் போலவும் வாழ வேண்டும் – ஹேன்ஸ் ஆண்டர்சன்.

2. In nature, light creates the colour. In the picture, colour creates the light – Hans Hofmann.

இயற்கையின் ஒளியிலிருந்து நிறம் கிடைக்கிறது. ஆனால் ஓவியங்களின் நிறம் ஒளியை உண்டாக்குகிறது – ஹேன்ஸ் ஹோ ஃப்மன்,

3. Look deep into nature and then you will understand everything better – Albert Einstein.

இயற்கையை உற்று நோக்குங்கள். பின்னர் எல்லாவற்றையும் நன்கு அறிவீர்கள் – ஆல்பர்ட் ஐன்ஸ்டீன்..

4. Simplicity is nature’s first step, and the last of art – Philip James Bailey.

எளிமைதான் இயற்கையின் முதற்படியும் சுலையின் இறுதிப்படியும் ஆகும் – பிலிப் ஜேம்ஸ் பெய்லி.

5. Roads were made for journeys not destinations – Confucius.

வாழ்க்கைப் பாதையில் பயணம் தொடரும்; எண்ணங்கள் ஈடேறுவதில்லை – கன்பூஷியஸ்.

 

மயங்கொலிச் சொற்களை ஒரே தொடரில் அமைத்து எழுதுக.

1. உலை, உளை, உழை

2, வலி, வளி, வழி

3. கலை, களை, கழை

4. கனை, கணை

5. குரை, குறை

6. பொரி, பொறி

(எ.கா.) 1. உலை, உளை, உழை

மன உளைச்சல் தீரவும் வீட்டில் உலை கொதிக்கவும் உழைக்க வேண்டும்.

2. வலி, வளி, வழி

வளியானது வலிமை கொண்டு வீசுவதால் மேகக்கூட்டம் வழியறியாமல் கலைகின்றது.

3. கலை, களை, கழை

கலைகளில் ஒன்றான கழைக்கூத்தினைக் காழ்ப்புணர்வுகொண்டு களையக்கூடாது.

4. கனை, கணை

கனைக்கும் பரியேறி களத்தில் பகைவனின் மார்பில் கணை விடுத்தான்.

5. குரை, குறை

எங்கள் ஊரில் குரைக்கும் நாய்களுக்கு குறைவில்லை.

6. பொரி, பொறி

பொறிக்கும் எந்திரத்தில் பொரி பொறிக்கப்பட்டது.

கீழ்க்காண் விளம்பரத்தைப் பத்தியாக மாற்றி அமைக்க.

 

விடைகுறிப்பு:

தை மாதம் 5ஆம் தேதிமுதல் 11ஆம் தேதிவரை சென்னைத் தீவுத் திடலில் நாள்தோறும் மாலை 6 மணிமுதல் 10 மணிவரை, இயற்கை உணவுத் திருவிழா நடைபெற உள்ளது.

அந்த நிகழ்ச்சியில் ஆவாரம்பூச்சாறு, குதிரைவாலிப் பொங்கல், வாழைப்பூ வடை, தினைப் பணியாரம், வல்லாரை அப்பளம், முடக்கத்தான் தோசை, தூதுவளைச் சாறு, சாமைப் பாயசம், கேழ்வரகு உப்புமா, கம்புப் புட்டு, அகத்திப்பூ போண்டா, முள்முருங்கை அடை என இன்னும் பல உணவுகள் சுவையாகக் கிடைக்கும்.

 

இலக்கியநயம் பாராட்டுக.

“தண்டலை மயில்கள் ஆட, தாமரை விளக்கம் தாங்க,
கொண்டல்கள் முழவின்ஏங்க, குவளைகண்விழித்து நோக்க,
தெண் திரை எழினி காட்ட, தேம்பிழி மகர யாழின்
வண்டுகள் இனிது பாட, மருதம் வீற்றிருக்கும் மாதோ”

– கம்பர்

ஆசிரியர் குறிப்பு:

‘கல்வியில் பெரியவர் கம்பர்’, ‘கம்பன் வீட்டுக் கட்டுத்தறியும் கவிபாடும்’ என்னும் வழக்குகள், கம்பரின் கல்விப் பெருமையை விளக்கும். வடமொழியில் வால்மீகி முனிவர் எழுதிய இராமாயணத்தைத் தழுவித் தமிழ் மரபுக்கு ஏற்ப, ‘கம்பராமாயணம்’ காப்பியத்தைப் பாடியுள்ளது சிறப்பாகும். இங்குக் கம்பராமாயணப் பாடலொன்று, நயம் பாராட்டக் கொடுக்கப்பட்டுள்ளது.

மையக்கருத்து:

மருதநிலத் தலைவன் கொலுவீற்றிருக்கும் காட்சி இப்பாடலின் மையக் கருத்தாக உள்ளது. கம்பரின் கற்பனை வளத்திற்கு இது மிகச் சிறந்ததோர் எடுத்துக்காட்டு.

எதுகை:

அடிகளிலோ சீர்களிலோ முதல் எழுத்து மாத்திரை அளவு ஒத்திருக்க இரண்டாம் எழுத்து ஒன்றிவருவது எதுகை ஆகும்.

அடிஎதுகை:

தண்டலை, கொண்டல்கண்
தெண்திரை, வண்டுகள்

மோனை:

பாடல் அடியின் சீர்களில் முதலெழுத்து ஒன்றிவருவது சீர்மோனை ஆகும்.

சீர்மோனை:

தண்டலை, தாமரை, தாங்க
கொண்டல், குவளை
தெண்டிரை, தேம்பிழி

இயைபு:

ஓரடியின் இறுதிச் சீர்தோறும் நின்ற எழுத்தோ சொல்லோ, தொடரோ ஒன்றிவரத் தொடுப்பது இயைபு.
தாங்க, நோக்க -இயைபு

சுவை:

மருத நிலத்தின் இயற்கை அழகை மருதத்தலைவன் அரச சபையில் கொலு வீற்றிருப்பதாகக் கூறியிப்பதால் இதில், ‘பெருமிதச் சுவை’ அமைந்துள்ளது.

அணி:

மாலைநேரக் காட்சிகளை இயற்கையோடு கலந்த உள்ளதை உள்ளபடி கூறியிருப்பதால் இதில், ‘இயல்பு நவிற்சி அணி ‘ அமைந்துள்ளது. மயில் ஆடு மகளாகவும், தாமரை அரும்பு விளக்காகவும், மேக முழக்கம் மத்தள ஓசையாகவும், குவளைமலர்கள் கண்விழித்து நோக்கும் மக்களாகவும், வண்டுகளின் ரீங்காரம் மகர யாழிசையாகவும், தெளிந்த நீர்ப்பரப்பு எழி னியாகவும் இச்செய்யுளில் உருவகம் செய்யப்பட்டுள்ளது. எனவே, உருவக அணியும் அமைந்துள்ளது.

படித்துச் சுவைக்க

விழுந்த மலர்
கிளைக்குத் திரும்புகிறது
அடடா. . . வண்ணத்துப்பூச்சி.

– மோரிடாகே

 ஓர் அழகு போனாலும்
மற்றொரு அழகு, அதன் இடத்ததை
நிரப்பும் என்பது இதன் உட்கருத்து.

 

மொழியோடு விளையாடு

எண்ணங்களை எழுத்தாக்குக.

விடை:

1. கவி 2. வின் 3. கலை 4. விலை-கவின்கலை

மரங்களே மனிதனின் வாழ்வாதாரம்

மரங்களே மக்களுக்குக் காற்றுதரும்

மரங்களே மக்களுக்கு மருத்துவமாகும்

மரங்களை வெட்டினால் மழையில்லை

மரங்களை வெட்டினால் குளிர்ச்சியில்லை

மரங்களை நடுவோம் வீதியோரம்

மரங்களே வாழ்வின் ஆதாரம்

மரங்களே கடவுளின் அவதாரம்

 

விழுந்த மலர்

கிளைக்குத் திரும்புகிறது

அடடா … வண்ணத்துப்பூச்சி

– மோரிடாகே

ஓர் அழகு போனாலும் மற்றொரு அழகு அதன் இடத்தை நிரப்பும் என்பது இதன் உட்கருத்து.

 

புதிர்களில் மறைந்துள்ள சொற்களைக் கண்டுபிடிக்க.

1. ஐந்தெழுத்துக்காரன் முதலிரண்டோ பாட்டெழுதுபவரின் பட்டம் இரண்டும் மூன்றுமோ பசும்பால் என்பதன் பின் இறுதி கடைசி இரண்டெழுத்தோ மானினத்தில் ஒரு வகையாம் இரண்டும் ஐந்துமோ பொருளை விற்கத் தேவையாம் அது என்ன?

விடை:

1. கவி 2. வின் 3. கலை 4. விலை – கவின்கலை

 

2. இறுதி இரண்டெழுத்தோ பழத்தின் முந்தைய பச்சை நிலை தமிழ்க்கடவுளின் முற்பாதியை முதலிரு எழுத்தில் வைத்திருக்கும் நடுவிலோ ஓரெழுத்து ஒருமொழி அதற்கும் முன் பொட்டு வைத்த ஙகரம் சேர்த்தால் காயாவான் பிரித்தால் நிலைமொழியில் மாமாவான் ஏழெழுத்துக்காரன் அவன் யார்?

விடை:

1. காய் 2. முரு 3. கை 4. முருங்கை – முருங்கைக்காய்

 

சுற்றுச்சூழல் விழிப்புணர்வு, இயற்கைப் பாதுகாப்பு குறித்த முழக்கத்தொடர்கள் எழுதிக் காட்சிப்படுத்துக.

எ.கா:

1. விதைப்பந்து எறிந்திருடுவீர்! பூமிப்பந்து காத்திடுவீர்!

2. சிட்டுக்குருவிக்குச் கொஞ்சம் அரிசியிடு! உலக உயிர்களுக்கு கருணையிடு!

விடை :

குப்பையை எறியாதீர்! குப்பைத் தொட்டியில் சேர்ப்பீர்!

மாற்றுத்திறனாளிக்கு உதவுவீர்! மாற்றுத்திறனாளிகளை மதிப்பீர்!

 

கலைச்சொல் அறிவோம்

• Organic Farming – இயற்கை வேளாண்மை
• Chemical Fertilizers – வேதி உரங்கள்
• Shell Seeds – ஒட்டு விதை
• Farmyard Manure – தொழு உரம்
• Value Added Product – மதிப்புக்கூட்டுப் பொருள்
• Root Nodes – வேர்முடிச்சுகள்
• Weaver Bird – தூக்கணாங்குருவி
• Harvesting – அறுவடை

அறிவை விரிவு செய்

• இயற்கை வேளாண்மை – கோ. நம்மாழ்வார்.
• பனைமரமே பனைமரமே – ஆ. சிவசுப்பிரமணியன்.
• பறவை உலகம் – சலீம் அலி.
• யானைகள்-அழியும் பேருயிர் – ச. முகமது அலி, க. யோகானந்த்
• Elephants: Majestic Creatures of the Wild – Shoshani. J.